Italiya chempionatining 35-turi doirasida "Inter" safarda "Udineze" klubi mehmoni bo‘lib, ochko yo‘qotdi.

Hududiy ustunlik va tashabbus Spalletti shogirdlari tomonida bo‘ldi. Udeneliklar esa raqib bosimiga dosh bera olishdi. Ikkinchi bo‘limda Ikardi maydonga tushib, "V" rejaga o‘tganiga qaramay, "Udineze" darvozasini ishg‘ol qilish "neradzurri"ga nasib etmadi.

Mazkur 1 ochko tufayli "Udineze" A seriyada jon saqlab qolish maqsadida xavfli zonadan biroz uzoqlashdi. "Inter" esa ta’qibchilarning o‘ziga yaqinlashishiga imkon berib qo‘yishi mumkin.

Italiya A seriyasi, 35-tur
Udineze – Inter - 0:0
Udineze – Musso, Larsen, De Mayo, Nyuytink, D'Alessandro (Uilmot, 81), Mandragora, Sandro (Xadlvredsson, 73), Zegelar, Pussetto (Okaka Chuka, 61), de Paul, Lazanya.
Inter – Xandanovich, D`Ambrozio, de Vrey, Shkrinyar, Asamoa, Valero (Ikardi, 63), Brozovich, Politano (Kandreva, 77), Nainggolan, Perishich, Martines (Keyta Balde, 79).
Ogohlantirishlar: Sandro (13), D`Ambrozio (15), Valero (40), Brozovich (66).