O‘zbekiston futbol assosiasiyasi tomonidan yoshlar o‘rtasida futbolni ommaviylashtirish, yoshlar terma jamoasi va professional futbol klublariga iqtidorli va istiqbolli futbolchilarni tanlab olish, qo‘shni davlatlar bilan do‘stona aloqalar o‘rnatish maqsadida "Kelajak sari" xalqaro musobaqasi o‘tkaziladi.
Musobaqa joriy yilning 11-19 may kunlari bo‘lib o‘tadi. Unda 14ta hududiy bolalar-o‘smirlar akademiyalari qatorida Qirg‘iziston yoshlar terma jamoasi, Qozog‘iston Respublikasi Olma-ota shahrining “Narxoz” futbol klubi, O‘zbekiston U-19 terma jamoasi, hududiy bolalar-o‘smirlar futbol akademiyalari jamoalari, "Lokomotiv" hamda "Chig‘atoy" futbol maktabi jamoasi qatnashadi.
Musobaqaga qur’a tashlash marosimi 11 may kuni soat 17:00da O‘FA Majlislar zalida o‘tkaziladi.
