“Barselona” va bosh murabbiy Ernesto Valverdening shartnoma detallari ma’lum bo‘ldi. 

Sport.es portalining xabar berishicha, Kataloniya klubi 55 yoshli mutaxassisni yozda hech qanday undirmalarsiz iste’foga chiqarishi mumkin. 

Yangi kelishuvga ko‘ra tomonlar shartnomani bir tomonlama bekor qilish huquqiga ega ekan.

Demak, shartnoma shartlari yoki talablar bajarilmasa ikki tomon ham hech qanday mablag‘ talab qilmasdan kelishuvga chek qo‘yishi mumkin.

Ma’lumot o‘rnida, Valverde “Barselona”ni 2017 yildan beri boshqarib keladi. Uning amaldagi shartnomasi 2020 yilgacha amal qiladi.