Chempionshipga chiqish uchun pley-off o‘yinlarida yarimfinalning dastlabki uchrashuvlari bo‘lib o‘tdi.
Derbi shahridagi «Prayd Park» stadionida Frenk Lempard boshchiligidagi «Derbi Kaunti» Marselo Byelsaning «Lids Yunayted»ini qabul qilib, 0:1 hisobida yutqazdi.
O‘yindagi yagona gol 55-daqiqada mehmonlar yarimhimoyachisi Kemar Ruf tomonidan urildi.
Javob uchrashuvi «Lids» maydonida 15 may kuni bo‘lib o‘tadi.
Yarimfinalning ikkinchi uchrashuvida «Aston Villa» «Vest Bromvich Albion»ni qabul qildi. Birmingemdagi «Villa Park» stadionida kechgan uchrashuv mezbonlarning 2:1 hisobidagi g‘alabasi bilan yakunlandi.
O‘yinda hisob 16-daqiqada ochildi — mehmonlar hujumchisi Duayt Geyl aniq harakat qildi. Ikkinchi bo‘lim o‘rtalarida, 75-daqiqada mezbonlar yarimhimoyachisi Konor Huriheyn muvozanatni tikladi, 4 daqiqa o‘tib «Aston Villa» Temmi Abrahamning penaltidan urgan goli evaziga hisobda oldinga chiqib oldi. 88-daqiqada «Vest Bromvich» bir kishi kam bo‘lib qoldi, hakam Geylga ikkinchi sariq kartochkani ko‘rsatdi.
Jamoalarning javob uchrashuvi 14 may kuni bo‘lib o‘tadi. Chempionship pley-off bosqichi finali 27 may kuni Londondagi «Uembli» stadionida o‘tkazilishi belgilangan.
Chempionship
APLga chiqish uchun pley-off o‘yinlari
1/2 final
Birinchi o‘yinlar
Aston Villa – Vest Bromvich 2:1 (0:1, 2:0)
Gollar: 0:1 – 16 Geyl, 1:1 – 75 Huriheyn, 2:1 – 79, penalti Abraham.
Aston Villa – Stir, Teylor, Mingz, Tuanzebe, Al-Muxammadi, Uelan (Huriheyn, 67), Makginn, Grilish, Adoma (Grin, 67), El-Gazi (Kodjia, 90), Abraxam.
Vest Bromvich – Jonston, Holgeyt, Douson (Mirs, 46), Bartli, Gibbs, Brant, Yuhansen (Morrison, 85), Fillips (Merfi, 66), Hegazi, Geyl, Rodriges.
Ogohlantirishlar: Holgeyt (33), Hegazi (48), Geyl (62), Gibbs (77).
Chetlatish: Geyl (88).
Derbi Kaunti – Lids 0:1 (0:0, 0:1)
Gol: 0:1 – 55 Ruf.
Derbi Kaunti – Ros, Tomori, Bogl, Meloun, Kio, Maunt, Xolms (Bennett, 70), Lourens (Xaddlstoun, 86), Djonson, Uilson, Nyudjent (Merriott, 64).
Lids – Kasilya, Eyling, Berardi, Kuper, Klix, Forshou (Sheklton, 24), Xarrison, Ernandes, Ruf (Klark, 81), Fillips, Dallas.
Ogohlantirishlar: Lourens (55), Berardi (63), Kuper (65), Kio (67), Xolms (68), Klix (87), Haddlstoun (89).