Italiya chempionatining 36-turi doirasida "Milan" safarda "Fiorentina"ga qarshi bahs olib bordi.

Gattuzo shogirdlari o‘yinni raqibga nisbatan faol boshlab, 35-daqiqada hisobni ochishga muvaffaq bo‘lishdi: Suso yetkazib bergan uzatmani Cholhono‘glu bosh bilan darvozaga joylab qo‘ydi.

Mazkur goldan keyin "rossoneri" negadir xotirjamlikka berilib, katta kuch bilan oldinga tashlanmadi. "Fiorentina" esa o‘yin oxiriga qadar bir nechta xavfli vaziyatlarni yaratdi, ammo kecha Donnarumma ishonchli harakat qilib, darvoza daxlsizligini saqlab qoldi.

Shu tariqa, "Milan" o‘z ochkolarini 62taga yetkazib, 5-o‘ringa ko‘tarilib oldi va YECHL yo‘llanmasi uchun kurashni davom ettiradi. Jamoa 3-o‘rindagi "Atalanta"dan 3, 4-pog‘onadagi "Inter"dan 1 ochko ortda qolmoqda. "Neradzurri" hisobida bitta zaxira o‘yini mavjud.

Italiya A seriyasi, 36-tur
Fiorentina — Milan 0:1
Gol: Cholhono‘glu, 35
Fiorentina: Lyafon — Lorini (Jerson, 69), Milenkovich, Ugo, Biragi — Dabo (Norgor, 84), Fernandesh (Vlaxovich, 74), Benassi — Kyeza, Muriel, Miralyas
Milan: J. Donnarumma — Abate, Musakkyo, Romanyoli, Rodriges — KessYE, Bakayoko, Cholhono‘glu — Suso (Kastilyexo, 81), Pyontek (Kutrone, 74), Borini (Laksalt, 88)
Ogohlantirishlar: Biragi, Lorini — J. Donnarumma