Италия чемпионатининг 36-тури доирасида "Милан" сафарда "Фиорентина"га қарши баҳс олиб борди.

Гаттузо шогирдлари ўйинни рақибга нисбатан фаол бошлаб, 35-дақиқада ҳисобни очишга муваффақ бўлишди: Сусо етказиб берган узатмани Чолҳонўглу бош билан дарвозага жойлаб қўйди.

Мазкур голдан кейин "россонери" негадир хотиржамликка берилиб, катта куч билан олдинга ташланмади. "Фиорентина" эса ўйин охирига қадар бир нечта хавфли вазиятларни яратди, аммо кеча Доннарумма ишончли ҳаракат қилиб, дарвоза дахлсизлигини сақлаб қолди.

Шу тариқа, "Милан" ўз очколарини 62тага етказиб, 5-ўринга кўтарилиб олди ва ЕЧЛ йўлланмаси учун курашни давом эттиради. Жамоа 3-ўриндаги "Аталанта"дан 3, 4-поғонадаги "Интер"дан 1 очко ортда қолмоқда. "Нерадзурри" ҳисобида битта захира ўйини мавжуд.

Италия А серияси, 36-тур
Фиорентина — Милан 0:1
Гол: Чолҳонўглу, 35
Фиорентина: Ляфон — Лорини (Жерсон, 69), Миленкович, Уго, Бираги — Дабо (Норгор, 84), Фернандеш (Влахович, 74), Бенасси — Кьеза, Муриэль, Миральяс
Милан: Ж. Доннарумма — Абате, Мусаккьо, Романьоли, Родригес — Кессье, Бакайоко, Чолҳонўглу — Сусо (Кастильехо, 81), Пьонтек (Кутроне, 74), Борини (Лаксальт, 88)
Огоҳлантиришлар: Бираги, Лорини — Ж. Доннарумма