Мураббий Альваро Арбелоа «Реал»ни тарк этганидан кейин унга хайрлашув сўзларини билдирган футболчиларга, жумладан Килиан Мбаппега ҳам ижтимоий тармоқларда мурожаат қилди.

Испаниялик мутахассис француз ҳужумчисига қўллаб-қувватлагани учун миннатдорчилик билдирди ва унинг фаолиятидан фахрланишини таъкидлади. Шунингдек, у Мбаппега қийин дамлар доимий эмаслиги ҳақида ҳаётий сабоқ ҳам берди.

«Қўллаб-қувватлаш учун катта раҳмат, Килиан. Мен ҳар доим феноменал футболчи ва бетакрор истеъдодга эга инсонни тарбиялаганимдан фахрланаман. Қийин дамлар абадий эмас, кучли инсонлар эса абадий. Олдинда сени кутаётган барча нарсалар сари олға, Килиан!» — деб ёзди Арбелоа.