«Реал» ҳужум чизиғига суперюлдуз футболчини олиб келиш ғоясидан воз кечмаяпти. Гап Эрлинг Холанд ҳақида бормоқда, унинг «Манчестер Сити» билан амалдаги шартномаси 2033 йилнинг ўрталаригача мўлжалланган.
The Sun саҳифаларида ёзилишича, «Реал» Хосеп Гвардиола «Манчестер Сити»дан кетганидан сўнг, Холанднинг ўз келажагини бошқа клубда кўриши мумкинлиги ҳақидаги ҳар қандай ишорадан фойдаланиб қолади.
«Манбаларнинг хабар беришича, Холанд ҳатто «Манчестер Сити» АПЛ титулини қўлга кирита олмаганидан олдинроқ ҳам тушкун кайфиятда бўлган, Пеп Гвардиоланинг кетиши ҳақидаги миш-мишлар эса ҳақиқатга айланди», — дейилади мақолада.
Transfermarkt портали 25 ёшли Эрлинг Холандни 200 миллион еврога баҳоламоқда.
