«Реал» президентлигига номзод Энрике Рикельме клуб учун аллақачон икки нафар юлдуз футболчи билан келишувга эришганини маълум қилди.

— Менда клуб учун аллақачон халқаро даражадаги иккита юлдуз футболчи билан келишув бор.

— «Келишув» деганда нимани назарда тутяпсиз? Оғзаки келишувни ёки имзоланган шартноманими?

— Агар мен президент этиб сайлансам, «Реал» сафида иккита катта халқаро юлдуз ўйнайди. Менда аниқ келишув бор. Булар қисқа, ўрта ва узоқ муддатли истиқболдаги спорт лойиҳаси учун зарур бўлган иккита юлдуздир.

— Бу ҳақда кейинги икки ҳафта ичида эълон қиласизми?

— Катта эҳтимол билан, ҳа, — деди Энрике Рикельме.