"Liverpul" himoyachisi Virjil van Deyk APLning so‘nggi turi oldidan o‘z fikrlarini bayon qildi. Chunonchi, "mersisaydliklar"ga chempionlik uchun hatto 97 ochko ham kamlik qilishi mumkin.
"Bu biz uchun katta yo‘lning boshlanishi, xolos. Men o‘tgan yili qishda «Liverpul» safiga qo‘shildim va shundan beri tinimsiz rivojlanishni his qilyapman.
Demoqchimanki, klub oldinga katta qadam tashladi. Bu mavsumdagi eng yaxshi jihatlarimizni yanagi mavsumda yanada kuchaytirishimiz kerak.
Ko‘ramiz, shunda qolganlar nima qilishar ekan? Eng muhimi – har yili sovrin uchun kurashish. Agar keyingi mavsumda chempionlik uchun 100 yoki undan ortiq ochko talab qilinsa, "Liverpul" albatta, bunga urinib ko‘radi.
Ammo hali mavsum oxiriga yetmadi va hozirgi vaziyat faqatgina bizga bog‘liq emas. Ochig‘ini aytish kerak, "Man Siti"ning bu yilgi o‘yinlari chindan ham, chempionga munosib ko‘rinish oldi», – dedi van Deyk.
Eslatib o‘tamiz, APLning so‘nggi turi oldidan «Man Siti» 95 ochko to‘plab, 1-o‘rinda bormoqda. Ikkinchi o‘rindagi «Liverpul» hisobida 37 o‘yindan so‘ng 94 ochko mavjud.
