Angliya premyer-ligasi mavsum natijasiga ko‘ra, eng yaxshi futbolchi nomini e’lon qildi.

Mavsumning eng yaxshi futbolchisi sifatida “Liverpul” himoyachisi Virjil van Deyk deb topildi, deb xabar beradi APLning rasmiy tvitter sahifasi. 

Ushbu sovringa Serxio Aguero (“Manchester Siti”), Eden Azar (“Chelsi”), Sadyo Mane (“Liverpul”), Muhamad Saloh (“Liverpul"), Bernardu Silva va Raxim Sterling (ikkisi ham – “Manchester Siti”) da’vogar edilar. 

Ushbu sovrin g‘olibi muxlislar ovozi, 20 nafar klub sardorlari va futbol ekspertlari tomonidan aniqlandi. 

Gollandiyalik futbolchi 2011/12 mavsumdan beri bu sovrinni yutgan ilk himoyachiga aylandi. O‘shanda ushbu sovrin g‘olibi “Man Siti” sardori Vensan Kompanii bo‘lgan edi. 

Ma’lumot o‘rnida, joriy mavsum Van Deyk 37 ta o‘yinda maydonga tushdi 4 ta gol yana 2 ta golga assisentlik qildi.