Mohi Ramazonda aholiga ibodatlarni to‘liq amalga oshirish va qulaylik yaratish maqsadida "Nasaf" futbol klubi ma’muriyati klub uy o‘yinlarini o‘tkazadigan stadionida namozxona ochildi. Bu haqida O‘zbekiston musulmonlari idorasi matbuot xizmati xabar bermoqda.
Futbol uchrashuvlari tashkil etilish vaqtiga qarab, muborak Ramazon oyida ro‘zadorlar uchun iftorliklar ham tashkil qilinmoqda.
Ro‘zadorlar iftorlik qilishlari uchun stadionning 7-sektori yonida joylashgan namozxona yoniga kelib iftorlik qilishlari hamda shom namozini ado etishlari mumkin.
Yurtimiz mo‘min-musulmonlari uchun bunday qulayliklarni ko‘zda tutuvchi islohotlarni amalga oshirayotgan tashkilotchilardan Alloh rozi bo‘lsin. "O‘zbekiston musulmonlari idorasi boshqa futbol klublarini ham muqaddas oyda shunday islohotlarga qo‘l urishga chaqiradi", deyiladi jumladan xabarda.
