“Nasaf” – “Qo‘qon-1912” uchrashuvidan so‘ng mezbonlar ustozi Ro‘ziqul Berdiyev quyidagicha fikr bildirib o‘tdi:
- Bugun haqli tarzda g‘alabaga erishdik. Ushbu g‘alaba bilan barcha ishqibozlarimizni tabriklayman. Bugun o‘yinimiz yaxshi chiqdi, mazmunli o‘yin namoyish etdik va ustunlikni hisobda ham aks ettira oldik. Yigitlar berilgan ko‘rsatmalarni aniq bajarishdi. Ularning harakatlaridan mamnunman. Bugun o‘yinimiz ancha qovushdi. 2 ta gol kiritishdan tashqari ko‘plab qulay imkoniyatlarga ega bo‘ldik. Agar shunday vaziyatlardan yana foydalanganimizda hisob yirikroq bo‘lishi ham mumkin edi. G‘alaba uchun maydonga chiqqan edik va bunga erisha oldik, - dedi mutaxassis.
