Italiya chempionatining 37-turidan o‘rin olgan «Milan» - «Frozinone» bahsida maydon egalari g‘alaba qozonishdi.

Mazkur o‘yinning birinchi bo‘limida hisob ochilmadi. Ikkinchi taym debyutida esa milanliklar darvozasi tomon penalti belgilandi. Chiano tomonidan yo‘llangan zarbani Donnarumma qaytarishga muvaffaq bo‘ldi.

Natijada "Milan" ruhiy ustunlikka ega bo‘ldi. Oradan ko‘p o‘tmasdan dastlab Pyontek, keyin esa Suso raqib darvozasini ishg‘ol qilishga erishishdi.

Mazkur g‘alaba tufayli Gattuzo jamoasi ochkolar sonini 65taga yetkazib, 4-o‘rindagi "Atalanta" bilan tenglashib oldi. Jamoa so‘nggi turda SPAL mehmoni bo‘ladi.

Italiya chempionati, 37-tur
Milan – Frozinone 2:0 (0:0, 2:0)
Gollar: 1:0 – 57 Piontek, 2:0 – 66 Suso.
Milan – Donnarumma, Abate (Konti, 84), Romanyoli, Musakkyo, Rodriges, Kessie, Bakayoko (Kutrone, 51), Suso, Chalxanoglu, Borini, Piontek (Kastilyexo, 81).
Frozinone – Bardi, Ariaudo, Brigenti, Goldaniga, Dzampano, Mayello, Paganini, Begetto (Valsania, 75), Sammarko, Chiano (Chiofani, 77), Trotta (Dionizi, 65).
Ogohlantirishlar: Abate (48).