Италия чемпионатининг 37-туридан ўрин олган «Милан» - «Фрозиноне» баҳсида майдон эгалари ғалаба қозонишди.

Мазкур ўйиннинг биринчи бўлимида ҳисоб очилмади. Иккинчи тайм дебютида эса миланликлар дарвозаси томон пенальти белгиланди. Чиано томонидан йўлланган зарбани Доннарумма қайтаришга муваффақ бўлди.

Натижада "Милан" руҳий устунликка эга бўлди. Орадан кўп ўтмасдан дастлаб Пёнтек, кейин эса Сусо рақиб дарвозасини ишғол қилишга эришишди.

Мазкур ғалаба туфайли Гаттузо жамоаси очколар сонини 65тага етказиб, 4-ўриндаги "Аталанта" билан тенглашиб олди. Жамоа сўнгги турда СПАЛ меҳмони бўлади.

Италия чемпионати, 37-тур
Милан – Фрозиноне 2:0 (0:0, 2:0)
Голлар: 1:0 – 57 Пионтек, 2:0 – 66 Сусо.
Милан – Доннарумма, Абате (Конти, 84), Романьоли, Мусаккьо, Родригес, Кессиэ, Бакайоко (Кутроне, 51), Сусо, Чалханоглу, Борини, Пионтек (Кастильехо, 81).
Фрозиноне – Барди, Ариаудо, Бригенти, Гольданига, Дзампано, Майелло, Паганини, Бегетто (Вальцаниа, 75), Саммарко, Чиано (Чиофани, 77), Тротта (Дионизи, 65).
Огоҳлантиришлар: Абате (48).