«Barselona» hujumchisi Lionel Messi Yevropa chempionlar ligasi yarim final bosqichida bo‘lib o‘tgan "Liverpul"ga qarshi o‘yin haqida o‘z fikrlarini bildirib o‘tdi. Shuningdek, "ko‘k-anorranglilar" sardori jamoa bosh murabbiyi Ernesto Valverdening ishi borasida o‘z fikrini bildirdi.

«Bu biz uchun kuchli zarba bo‘ldi. O‘rnimizdan turishimiz qiyin bo‘ldi. Bu narsa keyingi o‘yinda sezilib turdi. Bu og‘ir edi. Ertaga Ispaniya kubogi final bahsi kutib turibdi. Mavsumda dubl qilish imkoniyatiga egamiz. Mavsumni yaxshi yakunlashni istaymiz. Maqsadimiz — maydonga chiqish va sovrinni qo‘lga kiritish.

Valverdega qaratilgan tanqidlar? Men matbuotni o‘qimadim. Ha, tanqidlar haqida eshitdim. Ammo, o‘ylashimcha, Valverde ajoyib ishladi. «Liverpul»ga qarshi o‘yindagi mag‘lubiyatda uning deyarli aybi yo‘q. "Roma"ga qarshi o‘yinda ro‘y bergan voqeaning takrorlanishiga yo‘l qo‘ymasligimiz kerak edi. Ammo yana shu narsa ro‘y berdi. Liverpuldagisi alamliroq bo‘ldi. Ha, ayb murabbiyning zimmasiga tushadi, ammo barcha ayb emas.

Valverde o‘z ishini davom ettirishini istardim. O‘tgan mavsumda dublga erishgan edik. Ushbu mavsumda ham buni takrorlashimiz mumkin. Kelasi yili esa Chempionlar ligasini qo‘lga kiritishni istaymiz», – dedi Messi.

Ertaga, 25 kuni «Barselona» «Valensiya»ga qarshi Ispaniya kubogi final bahsini o‘tkazadi. O‘yin Toshkent vaqti bilan 00:00da boshlanadi.