“Manchester Yunayted” hujumchisi Romelu Lukaku “Inter”ga o‘tishga yaqin turibdi.
26 yoshli futbolchi Italiya klubi bilan 5 yillik shartnoma imzolashga kelishib oldi. Uning yillik maoshi esa 7,5 mln yevroni tashkil etadi, deb xabar beradi LaGazzettadelloSport.
Avvalroq, belgiyalik futbolchi “Manchester Yunayted”ni tark etish niyati yo‘q edi. Biroq Ole-Gunnar Sulsherning ishi uning fikrini o‘zgartirdi. Lukaku asosiy tarkibga kiritilmayotgani bois, jamoani tark etmoqchi.
Ma’lumot o‘rnida, joriy mavsum Romelu 32 ta o‘yinda maydonga tushib 12 ta gol va bitta golga pas berdi.
