Londonning “Arsenal” klubi germaniyalik yarim himoyachisi Mesut O‘zilni sotishga tayyor. Bu haqida London Evening Standard xabar tarqatdi.
Manbaning xabariga ko‘ra, londonliklar futbolchi borasidagi takliflarni ko‘rib chiqishga tayyor. Jamoa unga yiliga 20,4 million yevro maosh to‘lamoqchi emas va uni yozgi transfer oynasida sotib yubormoqchi.
Eslatib o‘tamiz, joriy mavsum O‘zil “Arsenal” safida 35ta o‘yinda ishtirok etib, 6ta gol urgan va 3ta golga assistentlik qilgan.