Liga kubogi guruh bosqich 1-turi doirasidagi “Lokomotiv” – “Buxoro” uchrashuvidan so‘ng mezbonlar ustozi Andrey Fyodorov quyidagicha fikr bildirib o‘tdi:
- Bugun tarkibda katta o‘zgarishlar bo‘lgani sababmi yoki raqib kuchiga to‘g‘ri baho bera olmadikmi, o‘yinni o‘zimiz istagandek o‘tkaza olmadik. Lekin o‘z vaqtida o‘yinni qaytadan qurdik va o‘zimiz ko‘nikkan sxemaga o‘tgach, o‘yinimiz ancha qovushdi. Shundan keyin to‘pni ham ko‘proq nazorat qila boshladik.
Bugungi uchrashuv bir qator futbolchilar uchun tarkibimizdagi ilk o‘yin bo‘ldi. Yaxshi hamki, bugungi bahsni yakunda o‘z foydamizga hal eta oldik. Bu bugun ilk bor maydonga tushgan yosh futbolchilar uchun yanada qanot bo‘ladi. Bugun aralash tarkibda o‘ynadik. “Buxoro” jamoasi ham menda yaxshi taassurot qoldirdi, - dedi mutaxassis.
