Liga kubogi guruh bosqich 1-turi doirasidagi “Dinamo” – “Surxon” uchrashuvidan so‘ng mehmonlar ustozi Andrey Miklyayev quyidagicha fikr bildirib o‘tdi:
- Bunday o‘yindan so‘ng nima ham deya olaman… 0:5 – “Argentina – Yamayka”. Bugun zaxiradagi o‘yinchilarimiz imkoniyatlarini ko‘zdan kechirib olishni istagan edik. Birinchi bo‘limni bir navi o‘tkazdik. Ikkinchi bo‘limda esa jismonan kuchimiz yetmay qoldi. Qolaversa, yoshlarning hali to‘la tayyor emasligi oydinlashib qoldi. “Dinamo” esa ikkinchi goldan so‘ng o‘yin tizginini qo‘lga oldi va birin-ketin chiroyli gollar kiritdi. Yakuniy natija o‘yinga mos bo‘ldi. Samarqand jamoasini g‘alaba bilan tabriklayman, - dedi mutaxassis.
