Liga kubogi guruh bosqich 1-turi doirasidagi AGMK – “Qizilqum” uchrashuvidan so‘ng mezbonlar ustozi Mirjalol Qosimov quyidagicha fikr bildirib o‘tdi:
- Liga kubogi musobaqasi uchrashuviga jiddiy tayyorgarlik olib borgan edik va bu yakunda o‘z samarasini berdi. Shuningdek, tarkibdagi kam o‘yin amaliyotiga ega bo‘layotgan futbolchilarga bugun o‘ynash imkonini taqdim etdik. Ular bugun yomon harakat qilishmadi. Bugun, shuningdek, “Qizilqum” jamoasi ham yaxshi o‘yin namoyish etdi.
AGMK har bir o‘yinda maydonga chiroyli o‘yin namoyish etish uchun chiqadi. Liga kubogida qaysi jamoa zafar quchadi, buni bilmayman. Oldindan taxmin qilish qiyin. Lekin biz ham har bir o‘yinda muxlislarga yoqadigan o‘yin ko‘rsatishga urinamiz, - dedi mutaxassis.
