Xabaringiz bor, bugun Alanya shahrida O‘zbekiston milliy terma jamoasi Turkiyaga qarshi o‘z tarixida birinchi marta maydonga tushadi. Ayni paytda Turkiyada bo‘lib turgan o‘zbekistonlik muxlislar uchun O‘zbekiston futbol assosiasiyasi tomonidan o‘yin chiptalari bepul taqdim qilinadi. Buning uchun muxlislar fan-klub raisi Fazliddin Hojimuhamedov bilan bog‘lanishlari talab etiladi.

Fan-klub raisi tomonidan chiptalar bugun mahalliy vaqt bilan soat 16:00gacha terma jamoamiz delegasiyasi joylashgan «The Sense De Luxe» mehmonxonasida, shuningdek, 18:00dan boshlab esa "Alanya stadium" stadioni oldidan chiptlar tarqatiladi. Muxlislarga chiptalar bilan birgalikda O‘zbekiston bayrog‘i va maxsus futbolkalar ham taqdim qilinadi. Chiptalar soni cheklangan bo‘lib (100 donda), o‘yinni bevosita stadiondan tomosha qilish istagida bo‘lgan muxlislar tezroq harakatni boshlashlari talab etiladi.
 
Murojaat uchun Fazliddin Hojimuhamedovning quyidagi telefon raqamiga murojaat qiling: +905342648578.