«Chelsi» FIFA tomonidan yangi futbolchilarni ro‘yxatdan o‘tkazishga qo‘yilgan taqiq yuzasidan Lozanna shahrida joylashgan Sport arbitraj sudi (CAS)ga apellyasiya bilan murojaat qildi.
Avvalroq londonliklar voyaga yetmagan xorijlik futbolchilar bilan shartnoma imzolash qoidasini buzgani FIFA ularga nisbatan 2ta transfer vaqti mobaynida yangi futbolchilar ro‘yxatdan o‘tkazishga taqiq qo‘ygandi.
Klub dastlab FIFAning o‘ziga apellyasiya kiritdi, ammo rad javobini oldi. Bugun esa CAS "Chelsi"ning murojaatini qabul qilib oldi. Bu ish qachon ko‘rib chiqilishi hozircha aniq emas. Ish ko‘rib chiqilayotgan paytda FIFAning qarori o‘z kuchini yo‘qotib turadi.