O‘zbekiston – KXDR uchrashuvidan so‘ng milliy terma jamoamiz bosh murabbiyi Ektor Kuper quyidagicha fikr bildirdi:

“Bugun bir qator yangi futbolchilarning harakatiga baho berish imkoniga ega bo‘ldim. Birinchi o‘yinda odatda xatolar kuzatilishi mumkin bo‘lsa-da bugun maydonga terma jamoa libosida ilk bor chiqqan yigitlar harakatlaridan mamnun bo‘ldim.

Bugungi yangi yigitlar yakunda qayd etilgan natijaga o‘z munosib hissasini qo‘shishdi. Bevosita o‘yin xususida gapirsam, ba’zi jihatlarda yaxshi harakat qildik, ba’zi masalalarda esa hamon ayrim kamchiliklar bor ekani ma’lum bo‘ldi.

Raqibga pressing uyushtirish jarayonida ayrim yangiliklarga ham qo‘l urdik. O‘rtoqlik uchrashuvlarda asosiy maqsad ham shu – turli o‘zgarish va yangiliklarni sinab olish.

Raqib o‘yini haqida ko‘p ham gapirishni xohlamayman. Agar biz bosim uyushtirish payti to‘pni yo‘qotsak, navbatdagi qarshi hujumga tayyor turishimiz lozim bo‘ladi.  Asosiysi – biz xato qilmasdan o‘ynashimiz lozim.

Zero shunday raqiblar borki, ular xatoingizni aslo kechirib o‘tirmaydi va gol bilan jazolaydi. Yakunda qayd etilgan natijadan mamnunman. Qolaversa, bugun stadionga tashrif buyurgan ko‘p sonli ishqibozlarni ko‘rib ham juda quvondim. Yigitlar ham o‘zgacha shasht bilan maydonda harakat qilishdi.

Uchrashuvdan so‘ng bugungi bahsni tahlil qilamiz va kuzatilgan xato va kamchliklarimizni bartaraf etishga harakat qilamiz. Oldinda bizni Suriya bilan ham o‘yin kutib turibdi. Mazkur uchrashuvda ham ayrim yangi jihatlarni ko‘zdan kechirib olamiz, dedi mutaxassis.