Ispaniya terma jamoasi darvozaboni Kepa Arrisbalaga Yevro-2020 saralashida Shvesiya ustidan qozonilgan g‘alabadan so‘ng (3:0) David De Xea bilan raqobat to‘g‘risida gapirdi.

"Bu bahslar anchadan buyon atrofimizda yuribdi, ammo biz o‘ynashimiz kerak. O‘ynayotganimdan, jamoaga yordam berayotganimdan va mavsumni shu tarzda tugatayotganimdan xursandman.

Ishlashda davom etaman, klubda eng yaxshi o‘yinimni ko‘rsatib, murabbiy ishonchini qozonishga harakat qilaman.

Faqat kuchlilargina maydonga tushadi. David ranjimoqda, buni tushunaman. Maydonga tushish uchun hammamiz mashq qilamiz, ammo bu marabbiy qarori. Bunga to‘g‘ri munosabatda bo‘lish kerak", - deydi Kepa.