Испания терма жамоаси дарвозабони Кепа Аррисбалага Евро-2020 саралашида Швеция устидан қозонилган ғалабадан сўнг (3:0) Давид Де Хеа билан рақобат тўғрисида гапирди.
"Бу баҳслар анчадан буён атрофимизда юрибди, аммо биз ўйнашимиз керак. Ўйнаётганимдан, жамоага ёрдам бераётганимдан ва мавсумни шу тарзда тугатаётганимдан хурсандман.
Ишлашда давом этаман, клубда энг яхши ўйинимни кўрсатиб, мураббий ишончини қозонишга ҳаракат қиламан.
Фақат кучлиларгина майдонга тушади. Давид ранжимоқда, буни тушунаман. Майдонга тушиш учун ҳаммамиз машқ қиламиз, аммо бу мараббий қарори. Бунга тўғри муносабатда бўлиш керак", - дейди Кепа.
