Bugungi kuning eng muhim transfer voqealari va mish-mishlari bilan tanishtirishda davom etamiz.
Pol Pogba ishida burulish
Fransiyalik futbolchining «Real Madrid» safiga borib qo‘shilishining deyarli iloji qolmadi. Sababi «Manchester Yunayted» rahbarlari uni «Real Madrid»ga sotmaydigan bo‘ldi. «Marca» nashrining xabar berishicha, muzokaralar boshi berk ko‘chaga kirib qolgan va ikki tomon ham bundan norozi. Endilikda Pogba «Real Madrid»ga o‘tishni xohlashini aytishi shart, aks holda u «qirollik klubi»ga o‘ta olmaydi.
Hozirda futbolchi «Yuventus»ga qaytish variyanti ustida jiddiy bosh qotirmoqda. Turin super klubi o‘z futbolchisnii ortga qaytarish maqsadida «Manchester Yunayted» bilan muzokaralar o‘tkazishga shay bo‘lib turibdi. Pogbaning o‘zi esa YCHLda ishtirok etmaydigan klubda to‘p tepishni istamayapti.
«Atletiko Madrid»ga Kavani kerak
«Matraschilar» Grizmanning ketishiga har tomonlama tayyorlanishmoqda. Agarda fransuz jamoani tark etsa, «Atletiko Madrid» Kavani bilan muzokaralarni hal qiluvchi ko‘rinishga olib chiqish niyyatida.
Kavanining o‘zi ham tezroq «PSJ»dan ketish payiga tushib qolgan. Unga klubdagi ichki muhitning yomonligi salbiy ta’sir ko‘rsatmoqda deb hisoblayotgan urugvaylik hujumchi jamoasini almashtirish ilinjida.
Kavani Neymar bilan janjallardan charchaganini takrorlashdan charchamayapti. Va shu ham ma’lumki, klub ikki dunyoda ham uni sotib yubormasligini aytgan. Shuning uchun yaxshisi o‘zi ketishi haqida muxlislariga o‘z intervyusida aytib o‘tgan edi. Kavanining aytishicha «PSJ» uni salqab qolish uchun kerak bo‘lsa Mbappedan ham voz kecha oladi.
«Barselona» De Ligtga so‘nggi taklifini jo‘natdi
Kataloniya super klubi «Ayaks» himoyachisini ortiqcha qiyinchiliksiz o‘z safiga qo‘shib olishga umid qilgan edi. Afsuski oraga «PSJ» suquldi va futbolchining transfer summasi va maoshini ko‘tarib yubordi. O‘zi shundoq ham daromadining katta qismini futbolchilariga maosh sifatida tarqatadigan «Barselona» hali 20 yoshga kirmagan futbolchi uchun yiliga 15 million taklif eta olmaydi. Shunga qaramasdan, «Barselona» bugun «Ayaks»ga 80 million va futbolchi uchun ko‘plab bonuslarga ega shartnoma taklif qiladi. Agarda De Ligt va uning agenti bu shartnomani ham paysalga solsa, «Barsa» bu futbolchi bilan muzokarlarni to‘xtatadi.
«Yuventus» bir yo‘la 4 futbolchini qo‘lga kiritmoqchi
«Le Gazetta Della Sport» nashrining xabar berishicha «Yuventus» «Real Madrid»ning 4 ta futbolchisini qo‘lga kiritmoqchi. Manbaada yozilishicha, «Real Madrid» transfer bozorida iloji boricha kuchayib olish maqsadida o‘z futbolchilarini sotib yuborishga tayyor. Hozirda «qirollik klubi»ning bir yo‘la 4 ta futbolchisi «Yuventus» nishonida turibdi. Bular Marselon, Sebalos, Isko va Hames Rodrigez bo‘lib, bu transferlarni amalga oshishini shaxsan Ronaldu xohlamoqda.
Ma’lumot uchun shuni aytish joizki, «Real Madrid» UEFA qonunlariga rioya qilishi va bu mavsumda 300 million yevro qiymatida futbolchilarini sotib yuborishi shart. Aks holda, uning jamoani kuchaytirish maqsadida qilinayotgan transferlari amalga oshmay qoladi.
«Yuventus» esa 5 ta futbolchisidan qutulmoqchi
Yuqorida aytilganidek, «Yuventus» klubi katta o‘zgarishlar boshida turibdi. Jamoa yangi mavsum oldidan o‘z safidagi beshta futbolchini sotib yuborish istagida. Qora ro‘yxatdan joy olganlar : Perin, Kuadrado, Mandjukich, Konselu va Duklas Kosta. «Yuventus» o‘zi istagan futbolchilarni olib kelishi uchun katta mablag‘ talab etilgani bois yana ba’zi futbolchilarini sotib yuborishi ham hech gap emas. Paolo Dibala, Miralem Pyanichlar shular jumlasidan
Hozircha shular. Transfer oynasidagi yangiliklar bilan siz aziz muxlislarni tanishtirishda davom etamiz. Bizda qoling!
