"Real" futbolchisi Eden Azarning taqdimot marosimi bugun tashkillashtirilganidan xabaringiz bor.

Aftidan, belgiyalik futbolchining transferi madridlik muxlislarni kutilganidek quvontirmagan ko‘rinadi. Chunki stadion sezilarli darajada bo‘sh, Azarning taqdimot marosimida Ronalduning rekordi takrorlanishi kutilgandi, ammo bunga yaqin kelmadi ham.

Qolaversa, ma’lumotlarga ko‘ra, muxlislar stadionda "Bizga Mbappe kerak!" deya hayqirishgan. Ehtimol, Azarning transferidan xursand bo‘lgan muxlislarning ishtahasi ochilib, Mbappeni ham istab qolishgandir. Bunisi bizga qorong‘i.