O‘zbekiston Superligasi 11-turidan o‘rin olgan “Qo‘qon-1912” hamda “Dinamo” uchrashuvi yakunlandi. O‘yindan keyingi matbuot anjumanining birinchi qismida “Dinamo” bosh murabbiyi Davron Fayziyev ishtirok etdi.
- Qo‘qon ahlini stadionning ochilishi bilan tabriklayman. O‘yinga keladigan bo‘lsak. Uchrashuv kurashlarga boy tarzda kechdi. Biz Qo‘qonga g‘alaba uchun kelgandik. Biz doim hujumkor futbol ko‘rsatishga intilyapmiz. To‘g‘ri, yigitlar hujumda ajoyib o‘yin ko‘rsatishmoqda, ammo himoyada muammolar bor. Bugun muxlislarga yoqadigan o‘yin bo‘ldi deb o‘ylayman.
Futbolchilarimga ikkinchi bo‘limda ehtiyotkorroq bo‘lishini takidlagandim. Ammo 2ta kulgili gol o‘tkazib yubordik. Lekin chetdan turib kuzatish oson, buni faqat murabbiylar va futbolchilar yaxshi tushunishadi. Bu o‘yinni yaxshilab tahlil qilamiz.
“Dinamo” moddiy tomondan Superligadagi eng yomon klub, menimcha. Agar menga qolsa “Qo‘qon-1912”dan Murod, Qo‘vondiq va Berdiyevlarni olgan bo‘lardim. Men bor masalliqdan ovqat tayyorlashga harakat qilyapman. Bizning jamoada lider yuq.
Yana qaytaraman o‘zim bilan “validol” olib yuraman shekilik. Baribir 100 foizlik vaziyatdan gol ura olmasang alam qiladi. Biz bugun faqat g‘alaba uchun o‘ynadik”, - deya Fayziyev so‘zlarini keltiradi Stadion.uz muxbiri Jaloliddin Qobiljonov.
