Ўзбекистон Суперлигаси 11-туридан ўрин олган “Қўқон-1912” ҳамда “Динамо” учрашуви якунланди. Ўйиндан кейинги матбуот анжуманининг биринчи қисмида “Динамо” бош мураббийи Даврон Файзиев иштирок этди.

- Қўқон аҳлини стадионнинг очилиши билан табриклайман. Ўйинга келадиган бўлсак. Учрашув курашларга бой тарзда кечди. Биз Қўқонга ғалаба учун келгандик. Биз доим ҳужумкор футбол кўрсатишга интиляпмиз. Тўғри, йигитлар ҳужумда ажойиб ўйин кўрсатишмоқда, аммо ҳимояда муаммолар бор. Бугун мухлисларга ёқадиган ўйин бўлди деб ўйлайман.

Футболчиларимга иккинчи бўлимда эҳтиёткорроқ бўлишини такидлагандим. Аммо 2та кулгили гол ўтказиб юбордик. Лекин четдан туриб кузатиш осон, буни фақат мураббийлар ва футболчилар яхши тушунишади. Бу ўйинни яхшилаб таҳлил қиламиз.

“Динамо”  моддий томондан Суперлигадаги энг ёмон клуб, менимча. Агар менга қолса “Қўқон-1912”дан Мурод, Қўвондиқ ва Бердиевларни олган бўлардим. Мен бор масаллиқдан овқат тайёрлашга ҳаракат қиляпман. Бизнинг жамоада лидер йуқ.

Яна қайтараман ўзим билан “валидол” олиб юраман шекилик. Барибир 100 фоизлик вазиятдан гол ура олмасанг алам қилади. Биз бугун фақат ғалаба учун ўйнадик”, - дея Файзиев сўзларини келтиради Stadion.uz  мухбири Жалолиддин Қобилжонов.