Shveysariya ayollar terma jamoasi va «Yang Boyz» klubi futbolchisi Floriana Ismoiliyning tanasini italiyalik qutqaruvchilar ko‘l tubidan topishdi.

24 yoshli futbolchi Komo ko‘lida yo‘qolib qolganidan keyin qidiruv ishlari 30 iyun kuni boshlangan edi. Floriananing tanasi ko‘lning 204 metr chuqurligidan topildi. Polisiya bu haqda Ismoiliyning oila a’zolari va yaqinlariga xabar berdi.

Ismoiliy mazkur ko‘lda dugonasi bilan dam olayotgan bo‘lgan. Ular motorli qayiqni ijaraga olib, ko‘l ichiga qarab 700 metr suzib borishgan. Floriana suvga sakragancha  qaytib chiqmagan. Ma’lumotlarga qaraganda, futbolchining dugonasi bu holatni hazil deb o‘ylagan. Oradan bir necha daqiqa o‘tib esa u qutqaruvchilarga murojaat qilgan.

Ismoiliy hujumchi pozisiyasida o‘ynar edi. Etnik jihatdan alban bo‘lgan futbolchi Shveysariya terma jamoasi sharafini 2014 yildan beri himoya qilib kelayotgan edi.