O‘zbekiston Liga kubogi 2-turi doirasidagi “Navbahor” – “Mash’al” (2:1) jamoalari o‘rtasidagi uchrashuvdan keyingi matbuot anjumanining ikkinchi qismida “Navbahor” murabbiyi Mustafo Bayramov qatnashib, jurnalistlarning savollariga javob berdi.

“Mash’al” Pro-liga vakili bo‘lganligi bois, yigitlar osongina g‘alaba qozonamiz, deb o‘ylashdi, chog‘i, birinchi bo‘limda biroz qiynaldik. Ammo 2-bo‘limda o‘z o‘yinimizni namoyish etib, zafar quchishga muvaffaq bo‘ldik.

O‘zingizga ma’lum, Namanganda futbolni sevishadi. Har bir g‘alaba muxlislar uchun bayram hisoblanadi. Shuning uchun futbolchilar ham maydonga har bir o‘yinda ishtiyoq bilan tushishlari kerak. Kuchsiz jamoalar bo‘lmaydi. “Mash’al” bizga munosib qarshilik ko‘rsatib, buni isbotladi", — dedi Bayramov.