«Barselona» rahbariyati «Atletiko» bilan Antuan Grizmanning transferi borasida muzokara olib bormoqda. Kataloniyaliklar hujumchining 120 million yevro miqdoridagi tovon pulini 11 iyul, payshanba kuni to‘lashmoqchi.
"Ko‘k-anorranglilar" hozirda bu pulni kredit shaklida olish uchun banklar bilan muzokara olib bormoqda. Shu bois, to‘lov juma kunigacha kechikishi mumkin.
«Barselona» «Atletiko» bilan muzokara chog‘ida to‘lovni keyinroq amalga oshirish taklifini bildirgan edi, ammo madridliklar bu taklifga rad javobini berishdi.
«Barsa» moliya bo‘limi xavotirga tushib qolgani uchun klub xodimlarning iyun oyi maoshini 3 kun kechikib to‘ladi.