Xabar berganimizdek, ko‘pgina sport turlari bo‘yicha terma jamoamiz vakillari poytaxtimizda qad rostlayotgan Islom sivilizasiyasi markaziga tashrif buyurishmoqda. Bugun taekvondo va og‘ir atletika bo‘yicha terma jamoamiz vakillari barpo etilayotgan mazkur ob’ektda mehmon bo‘lishdi.
Shubhasiz, majmuada olib borilayotgan katta hajmdagi bunyodkorlik ishlari sportchilarimizning diqqat-e’tiborini tortdi. Shuningdek, ekskursiya davomida atletlarimizga boy madaniy merosimiz, tariximiz haqida yanada chuqurlashtirilgan axborot berildi. Tashrif davomida sportchilarimizga federasiya Bosh kotiblari va murabbiylar hamrohlik qilishdi.
Eslatib o‘tamiz, bundan avval sport kurashlari va dzyudo bo‘yicha terma jamoamiz vakillari ham mazkur ob’ekt qurilishi bilan yaqindan tanishishgan edi.