Kunning eng muhim transfer yangiliklari bilan tanishtirishda davom etamiz
Moyze Kin ketadigan ko‘rinadi
Gonzalo Iguainning klubdan ketmagani bois, «Yuventus» o‘z hujumchisini sotishga majbur bo‘lmoqda. Sezganingizdek, gap yosh iqtidorli Moyze Kin to‘g‘risida bormoqda. Mina Rayola qanchalar uni klubda olib qolishlariga urunmasin «Yuve»ning so‘zi Iguainga o‘tmadi va Moyze Kin boshqa klub safiga o‘tadigan bo‘ldi.
Bugun «Arsenal» ikkinchi bor «Yuventus»ga rasmiy taklif bilan chiqdi. Birinchi bor futbolchi uchun 25 million yevro taklif qilingan bo‘lsa, bu safar 35 million va turli bonuslar taklif qilindi. Futbolchining agenti Mino Rayolaning xabar berishicha tez orada Kin «Arsenal» futbolchisiga aylanadi.
Asensio sotilmaydi
Madridning «Real» jamoasi Asencioni sotib yubormoqchi degan mish – mishlar so‘nggi paytda urchib ketgan bo‘lsada, aslida vaziyat o‘zgacha.
«Marca» nashrining xabar berishicha shu kunlarda klubga futbolchi uchun 6 ta jamoadan taklif kelib tushgan. Ular orasida «Liverpul», «Tottenhem», «Napoli» singari grand jamoalar ham mavjud. «Qirollik klubi» o‘z futbolchisini jamoada saqlab qolishga qaror qildi va u haqidagi hech qanday takliflarni ko‘rib chiqmasligini rasman e’lon qildi.
«Barselona» Messi uchun yangi shartnoma tayyorlamoqda
“Kataloniyaning «Barselona» jamoasi o‘z yetakchsi Leo Messiga yangi shartnoma taklif etmoqchi”, - deb xabar tarqatmoqda «ReadFootball» nashri.
Futbolchining hozirigi shartnomasi 2021 – yilga qadar mo‘ljallangan bo‘lib, u eng ko‘p maosh oluvchi futbolchilar orasida peshqadamlik qiladi. Klub Messiga 2 yilga mo‘ljallangan shartnoma taklif qilishni rejalashtirmoqda. Bu Messi 36 yoshgacha «Barselona» safida to‘p suradi degani.
Tez kunlarda Messining otasi va klub o‘rtasida muzokaralar boshlanadi.
Sulsher Dibalani qo‘lga kiritmoqchi
“Italiyaning «Yuventus» klubi futbolchisi Paulo Dibala «Manchester Yunayted» e’tibor markazida turibdi”, - deb xabar tarqatmoqda «Readfootball» nashri. Unga ko‘ra, Sulsher Dibalani jamoani yetaklovchi futbolchi sifatida klubga taklif qilib, o‘yinni uning atrofida qurishni reja qilgan.
«Manchester Yunayted» o‘z futbolchilaridan birini sotib yuborgachgina Dibala transferiga kirishmoqchi. «Yuventus» o‘z futbolchisni sotib yuborish maqsadida uning transfer qiymatini ham biroz kamaytirishga rozi bo‘ldi. Unga ko‘ra, Dibala endilikda 100 million yevro emas, balki 70 million atrofida baholanmoqda.
«Napoli» o‘z transfer nishonini o‘zgartirdi
Shu kunlarda Ikardi va Xames bilan ovvora bo‘lib qolgan Italiyaning «Napoli» klubi o‘z transfer nishonini o‘zgartirdi. Endilikda jamoa bor e’tiborini «PSV» jamoasining meksikalik hujumchisi Irving Lozanoga qaratadi.
Transfer oynasi ochilishi bilanoq «Napoli» futbolchiga og‘iz solib ko‘rgan, biroq uning qimmatroq ekanligini bilgan De Laurintis arzonroq variyantlarni izlashga tushib ketgan edi. Mana oradan 20 kun o‘tib «Napoli» yana Lozano transferiga qaytdi. Hozirda ikki klub futbolchining transfer qiymatini kamaytirish borasida muzokaralar o‘tkazmoqda.
Eslatib o‘tamiz, Lozano o‘tgan mavsumda 30 ta uchrashuvda maydonga tushdi va 17 ta gol kirtishga muvaffaq bo‘ldi. Bundan tashqari uning hisobida 12 ta golli uzatma mavjud.
«Yuventus» Matiyudining narxini e’lon qildi
Jamoa bilan yana bir yillik shartnomasi qolgan Bles Matiyudi shu kunlarda o‘z jamoasini o‘zgartirishi kutilmoqda. «Yuventus» uning transfer narxini e’lon qildi. Futbolchini qo‘lga kiritishni istagan klublar 25 millon yevrodan voz kechishi shart!
Hozirda futbolchi uchun kurashda «Monako»
etakchilik qilmoqda. Fransuzning o‘zi ham so‘nggi mavsumlarini yurtida o‘tkazishni istagani bois katta ehtimol bilan uning keyingi manzili «Monako» klubi bo‘ladi.
Eslatib o‘tamiz, 32 yoshlik futbolchi o‘tgan mavsumda 31 ta uchrashuvda maydonga tushib, 3 ta gol va shuncha asistga mualiflik qilgan edi.
