Ushbu rukn ostidagi so‘nggi yangiliklar bilan tanishtirishda davom etamiz.
«Lill» rad javobini berdi
Fransiyaning «Lill» jamoasi o‘z hujumchisi Nikola Pepe borasida takliflarni ko‘rib chiqayotganidan xabaringiz bor.
Kuni kecha «Manchester Yunayted» futbolchi uchun rasmiy taklif jo‘natgan edi. Fransiya klubi bu taklifni darhol rad etdi. Gap shundaki, «Manchester Yunayted» hujumchi uchun juda oz pul taklif qilgan. Bundan Fransiya klubi bosslarining jaxli chiqqan va «Manchester Yunayted»ning taklifiga keskin javob qaytargan.
«Readfootball» nashri tarqatgan xabarlarga ko‘ra, «Lill» rahbarlari «Napoli» klubi bilan Pepe borasida jamoasi b muzokaralar o‘tkazmoqda. Shu kunlarda futbolchining taqdiri hal bo‘ladi. Shuningdek Pepe uchun kurashda «Arsenal» va «PSJ» jamoalari ham mavjud.
Lempard Abrahamni olib qoladigan bo‘ldi
Londonning «Chelsi» klubi bosh murabbiyi Frenk Lempard «Barselona»a qarshi baxsdan so‘ng, yosh iqtidorli shogirti Temmi Abraham bilan gaplashib olgan. Unga ko‘ra murabbiy futbolchiga o‘z ustida ishlashni va o‘sishdan to‘xtab qolmasligini maslahat bergan. Shuningdek agarda Abraham uning ko‘rsatmalariga to‘liq amal qilsa, yangi mavsumni asosiy tarkibda boshlashi mumkinligini ham aytib o‘tgan. Lempard klub rahbarlari bilan futbolchini olib qolish borasida gaplashgan va bu futbolchi kelajakda ikkinchi Drogbaga aylanishini bashorat qilgan - deb xabar bermoqda «Daily Maily» nashri.
O‘tgan mavsumni ijara asosida «Aston Villa» safida sermahsul o‘tkazgan Abraham «Aston Villa» APLga qaytishi uchun katta hissa qo‘shdi va 40 ta uchrashuvda maydonga tushib 26 bor raqiblar darvozasini ishg‘ol qildi.
«Gerta» «Arsenal»ga murojaat qildi
Germaniyaning «Gerta» jamoasi Rikki Nelson borasida «Arsenal» jamoasiga taklif bilan chiqdi. «Gerta» Nelsonni bir mavumga ijaraga olishni rejalashtirmoqda. 19 yoshlik futbolchi o‘tgan mavsumni Germaniyaning «Xoffenhaym» jamoasida ijara asosida o‘tkazgan va ko‘plab mutaxassislarning e’tiborini o‘ziga qaratgan edi.
«Roma» o‘zi uchun hujumchi topdi
«Calciomerkato» nashri tarqatgan xabarlarga ko‘ra, Italiyaning «Roma» klubi «Shaxtyor» jamoasi hujumchisi Junior Moraes bilan jiddiy qiziqib qoldi. Braziliyalik futbolchining «Roma» safiga o‘tishini shaxsan «bo‘rilar» ustozi Paulo Fonsekaning o‘zi istamoqda.
Hozirda Junior klubni tark etishi kutilayotgan Eden Djekoning o‘rinbosari sifatida ko‘rilmoqda va uning transferi tezlashtiriladi. Bundan avvalroq, Rim klubi Gonzalo Iguain borasida «Yuventus» bilan omadsiz muzokaralar o‘tkazgan edi.
Junior Moraesning taxminiy transfer qiymati 35 million atrofida bahonalmoqda. Agar tomonlar kelishuvga erishsa, futbolchining o‘zi tezroq «A seriyada» to‘p surish niyatida ekanligini yashirib otirmayapti.
«Fiorintina» yetakchsi «Yuventus»ga o‘tadi
«Le Gazzeta Della Sport» nashri tarqatgan xabarlarga ko‘ra «Fiorentina» jamoasi yulduzi Federiko Kyeza «Yuventus» jamoasining e’tibor markazida turibdi.
21 yoshlik futbolchining agenti va «Yuventus» rahbarlari alaqachon kelishuvga erishib bo‘ldi. Faqatgina ikki klub o‘zari bitm tuzsa bas. Hozirda «Yuventus» Federiko uchun 60 million yevro taklif qilgan bo‘lsada, rad javobini oldi. «Fiorentina» klubi o‘z futbolchisini 80 million yevrodan kamiga sotmoqchi emas. Futbolchining o‘zi «Yuve» safiga o‘tishni istayotgani tez orada o‘z so‘zini aytishi va futbolchining transfer qiymati pasayishi hech gap emas.
Alaba ketmaydi
Myunhenning «Bavariya» klubi rahbarlari David Alaba borasida rasmiy bayonot berdi.
Unga ko‘ra, «Gollivud» o‘z futbolchisini hech qayerga qo‘yib yubormoqchi emasligini va Alaba bilan shu kunlarda yangi shartnoma imzolanishi rasman ma’lum qilindi. Futbolchiga qaysi klub, qanday taklif bilan chiqishidan qati’y nazar faqat rad javobini olishi rasman e’lon qilindi.
E’slatib o‘tamiz, futbolchining xizmatlariga Ispaniyaning «Barselona» va «Real Madrid» qiziqayotgan edi. «Bavariya» rahbarlari futbolchining ketishi borasidagi hamma yangiliklarni yolg‘on ekanligini va futbolchining yangi shartnoma oldidan agentlari tomonidan o‘ylab topilgan «o‘yin»ning bir ko‘rishini deb bayonot berildi
