Belarusda yunon-rim kurashi bo‘yicha Oleg Karavayev xalqaro xotira turniri davom etmoqda. E’tiborlisi, unda ishtirok etayotgan terma jamoamiz vakillari ham shohsupaga ko‘tarildi.

-63 kilogramm vazn toifasida Islomjon Bahromov hal qiluvchi bahsda yaponiyalik Shinobu Ota bilan bahs olib bordi. Afsuski, bellashuv yaponiyalik kurashchining g‘alabasi bilan yakunlandi va vakilimiz kumush medal bilan taqdirlandi.

Shuningdek, -82 kilogramm vazn toifasida ikki o‘zbekistonlik kurashchi bronza medali uchun gilamga chiqishdi. Bilal Nalgiyev hamda Jalgasbay Berdimuratov o‘rtasidagi bellashuvda Nalgiyev 4:2 hisobida ustun keldi.