Kecha, 27 iyul kuni poytaxtimizdagi bir qator istirohat bog‘larida xotin-qizlar o‘rtasida sog‘lomturmush tarzini targ‘ib qilish maqsadida skandinavcha yurish bo‘yicha “Yur, Toshkent” nomi ostida marafono‘tkazildi.
Mazkur tadbir poytaxtimiz aholisi o‘rtasida jismoniy tarbiya va sportni ommalashtirish, sog‘lom turmush tarzini targ‘ib qilish maqsadida Toshkent shahar jismoniy tarbiya va sport boshqarmasi tomonidan o‘tkazilayotgan “Safimizga qo‘shiling” aksiyasi doirasida bo‘lib o‘tdi.
Bundan tashqari, Sog‘liqni saqlash boshqarmasi bilan hamkorlikda poytaxtimizning Mirzo Ulug‘bek tumanida joylashgan “Central park” bog‘ida ommaviy gimnastika va 5 kilometrga faol yurish mashqlari bo‘yicha oilaviy musobaqalar ham uyushtirildi.
— Poytaxtimizdagi barcha bolalar-o‘smirlar sport maktablari qoshida 55 yoshdan yuqori bo‘lgan ayollar uchun “Havaskor ayollar sport klubi” tashkil etildi. Bugun o‘tkazilgan tadbirlar ham ushbu klub a’zolari sonini yanada oshirish maqsadida o‘tkazildi, - deya Toshkent shahar jismoniy tarbiya va sport boshqarmasi boshlig‘i Anvar Mursaqulov yuqoridagi tadbirlarning ahamiyati haqida gapirib o‘tdi.
Ushbu tadbirlar ayollar salomatligini saqlashda muhim ahamiyatga ega. Mamlakatimizda ayollarning salomatligiga muhim masala sifatida qaraladi. Zero, sog‘lom onadan sog‘lom bola dunyoga keladi. Barkamol avlodni tarbiyalash mamlakat istiqbolini ta’minlash demakdir.
