«Real Madrid» jamoasi futbolchisi Garet Beyl Xitoy klubiga o‘ta olmagach, anchagina noqulay ahvolda qoldi. U tushib qolgan vaziyat omma tomonidan katta qiziqish bilan kuzatilmoqda. Ushbu mavzu ustida ish olib borgan «Fox Sport» nashri voqea atrofidagi eng so‘nggi intervyularni e’lon qildi. Hozir e’tiboringizga futbol eksperti sifatida faoliyat olib borayotgan Pol Ins, Yurgen Klopp va Beyl tomonidan berilgan intervyulardan tashkil topgan maqolani taqdim etamiz.
Pol Ins
Mening fikrimcha, agar «Liverpul»da Beylni qo‘lga kiritish imkoni bo‘lsa, bu ishni amalga oshirish kerak deb hisoblayman! Gap shundaki, «Liverpul»ning hujum uchligi mavsum oldidan juda oz dam oldi. Beyl hujum markazida va ikkala qanotda ham birdek o‘yin ko‘rsata oladigan kam sonli futbolchilar sirasiga kiradi. Agarda men uning o‘rnida bo‘lganimda, kariyeramni qayta jonlantirish uchun «Liverpul» safiga o‘tgan bo‘lar edim. Garet futbolga qaytishdan oldin o‘zini anglab olishi va futbolchi ekanligini to‘liq his qilishi lozim. To‘g‘ri, bunday yo‘l tutish ortidan uning maoshi kamayishi mumkin, biroq futbolchi har haftada maydonga tushmasa, u o‘zligini to‘liq unutib qo‘yadi. Uni qo‘lga kiritish uchun asosiy davogar «Liverpul» emas. Hozirgi holatda uni Manchester shahrining ikki jamoasidan biri qo‘lga kiritishi mumkin. O‘ylashimcha, «Tottenhem» futbolchi uchun raqobatlasha oladigan darajada qudratga ega emas. Buni amalga oshirish mushkul bo‘lsada, uni «Liverpul» safida ko‘rishni istayapman. Garet uzog‘i bilan yana 4 yil yuqori formada o‘ynay olishi mumkin. U vaziyatni to‘liq o‘rganib chiqib xulosa chiqarishi lozim.
Yurgen Klopp
Men sira tushuna olmayapman. Qanday qilib bunday fantastik o‘yinchilarda muommo bo‘lishi mumkin?!
Beyl hozirda «Real Madrid» futbolchisi va u boshqa klubga o‘tsa, kichik summaga o‘tmasligi aniq. Boz ustiga, uning maoshi juda katta. Aynan shu faktor ko‘plab muammolarni keltirib chiqarmoqda. Tan olish lozim, u juda kuchli futbolchi. Garet mening ko‘z oldimda 2 yil muqqadam ECHL finalini deyarli bir o‘zi yutib bergan edi. Men unda qanday muammo borligini bilmayman, lekin shunisi aniqki, futbolchi hech qachon bir o‘zi jamoa bo‘la olmaydi. Qachonki u jamoaning bir bo‘lagiga ylansagina o‘z klubiga yordam berishi mumkin va shundagina futbolchi nomiga loyiq bo‘ladi. Biz murabbiylarning vazifamiz ham futbolchilardan jamoa tuzish! Ana shundagina katta g‘alabalar o‘zi sizni qidirib keladi.
Beyl
Men «Real Madrid»da qolishni istayman va uning g‘alabalariga o‘z hissamni qo‘shsam deyman. Agarda menga shunday imkon yaratib berilsa, men jon deb Madridda qolaman. Eng muhimo o‘yin amaliyotisiz qolmasam bo‘lgani! Ko‘plab OAV o‘ylaganidek Zidan bilan o‘rtamizda muammo yo‘q. U bilan aloqalarim ustoz shogird darajasida! Men Zidanning murabbiylik mahoratiga zarracha shubha bilan qaramayman. U kuchli mutaxassis. Uning qo‘l ostida to‘p surish hozir ham huddi avvalgidek yoqimli. Shunday bo‘lsada, oldimda turgan bir nechta takliflardan birini tanlashim lozim. Nima bo‘lishidan qati’y nazar Madridda qolsam, hursand bo‘lar edim.
