"Yuventus" "Manchester Yunayted" bilan o‘zaro futbolchi almashish variantini ko‘rib chiqmoqda.

Ma’lumotlarga ko‘ra, turinliklar "MYU" hujumchisi Romelu Lukakuga qiziqib qolishgan va agar ingliz klubi rozi bo‘lsa, belgiyalik uchun Paulo Dibalani berishga tayyor.

Ta’kidlash kerakki, Dibalaning narxi 100, Lukakuniki esa 83 mln yevroga teng. Demakki, agar bu almashinuv amalga oshsa, "MYU" "Yuventus"ga pul ham berishiga to‘g‘ri keladi.

Ammo hozircha bu amalga oshmasa kerak, chunki Dibala kelajagi borasida bir qarorga kelgani yo‘q.