O‘zbekiston Kubogi 1/8 finali doirasida »Lokomotiv«ni mag‘lub etganidan keyin «Surxon» jamoasining vaqtinchalik ustozi Vladimir Andreev o‘z fikrlarini bildirib o‘tdi.

"G‘alabalarga osonlikcha erishilmaydi. Shu boisdan ular yoqimli bo‘ladi. Umuman olganda o‘yin og‘ir o‘tdi. O‘yin tomonlama biz raqiblarga mag‘lub bo‘ldik. Ammo yigitlar o‘zlarida kuch topa olishdi, muvozanatni tiklashdi va hisobda oldinga ham o‘ta olishdi. Yigitlar haqli g‘alabaga loyiq edilar. Ularni tabriklayman.

O‘zbekiston Kubogidagi barcha jamoalar uzoqqa borishni o‘ylaydi. Bu sovrinni qo‘lga kiritish — klub rahbarlari, futbolchilari, murabbiylarining orzusi. Ammo bunga loyiq ham bo‘lish kerak.

Yana bir bor raqib ushbu raqib bilan o‘ynaymiz. Ayta olamanki, navbatdagi o‘yin bundanda og‘ir o‘tadi", — dedi Vladimir Andreev.