Joriy yilning 06-11 avgust kunlari Qarshi shahrida shaxmat bo‘yicha O‘zbekiston xizmat ko‘rsatgan o‘qituvchi Ismat Shukurov xotirasiga bag‘ishlangan shaxmat bo‘yicha “QARSHI OPEN-2019” xalqaro turniri bo‘lib o‘tadi. Mazkur chempionat O‘zbekiston Respublikasi hukumati ko‘magida tashkil qilinib, O‘zbekiston Shaxmat Federasiyasi tomonidan tashkil qilinmoqda.
Chempionatni o‘tkazishga O‘zbekiston Shaxmat Federasiyasidan tashrif buyurgan tajribali hakamlar bevosita rahbarlik qiladi. Chempionat g‘olib va sovrindorlari xalqaro grossmeyster, xalqaro toifadagi sport ustasi va FIDE sport ustasi singari xalqaro unvonlarni olish imkoniyatiga ega bo‘ladilar.
Musobaqalarda 10 mamlakatdan – Qirg‘iziston, Rossiya Federasiyasi, Turkmaniston, Qozog‘iston, Tojikiston, Mongoliya, Xitoy Xalq Respublikasi, va O‘zbekistondan jami 248 nafar ishtirokchi qatnashishi rejalashtirilmoqda.
O‘zbekiston xizmat ko‘rsatgan o‘qituvchi Ismat Shukurov xotirasiga bag‘ishlangan shaxmat bo‘yicha “QARSHI OPEN-2019” xalqaro turniri Standart (klassik shaxmat) yo‘nalishida 9 turdan, “A” va “B” guruhlarida o‘tkaziladi. Musobaqa shveysarcha tizimda, FIDE qoidalari bo‘yicha o‘tkaziladi.
Musobaqada o‘yin vaqtini nazorat qilib borish uchun elektron soatlardan foydalaniladi.
O‘zbekiston xizmat ko‘rsatgan o‘qituvchi Ismat Shukurov xotirasiga bag‘ishlangan shaxmat bo‘yicha “QARSHI OPEN-2019” xalqaro turniri ochilish marosimi 7 avgust kuni 09:00 da, 11 avgust soat 11:00 da yopilish (taqdirlash) marosimi bo‘lib o‘tadi.
Chempionat yakunida ishtirokchilar diplom, medal va pul mukofotlari bilan taqdirlanadilar.
