«Barselona» darvozaboni Neto jarohat tufayli safdan chiqdi, deya xabar tarqatdi Mundo Deportivo.
Manbaga ko‘ra, braziliyalik futbolchining chap qo‘lining bilagi singan. 30 yoshli futbolchining tiklanishi uchun 5 hafta vaqt kerak bo‘ladi.
«Barsa» ushbu yozgi transfer paytida Netoni «Valensiya»dan 26 million yevroga sotib olgan edi. Valensiyaliklar turli bonuslar orqali yana 9 million yevro olishlari mumkin. Klub va o‘yinchi o‘rtasida tuzilgan shartnoma 2023 yilga qadar amalda bo‘ladi.