17 avgust kuni Coca-cola Superligasi 17-turiga start beriladi. "Nasaf" o‘sha kuni Coca-cola Superligasi 17-turi doirasida Toshkentning “Lokomotiv” jamoasining mehmoni bo‘ladi.

“Lokomotiv” – “Nasaf” uchrashuvi 17 avgust shanba kuni Toshkendagi “Lokomotiv” o‘yingohida bo‘lib o‘tadi. Uchrashuv soat 19:15da boshlanadi. Uchrashuv "Sport" kanali orqali jonli translyasiya qilinadi.

O‘zaro uchrashuvlar tarixidan

Mazkur klublar O‘zbekiston chempionatida shu kungacha 29 bor kuch sinashishgan. Natijalar “ajdarlarning” ustunligini ko‘rsatmoqda. Bo‘lib o‘tgan 14 uchrashuvda “Nasaf”,10 o‘yinda esa “Lokomotiv” g‘alabaga erishgan. 5 uchrashuvda tomonlar murosa ko‘chasini tanlashgan.

To‘plar nisbati 40:32 ga teng. Ustunlik “Nasaf” tarafida.

O‘zaro uchrashuvlarda qayd etilgan eng yuqori hisoblar quyidagicha: “Nasaf” – “Lokomotiv” 5:1, “Lokomotiv” – “Nasaf” 5:2.

Qarshiliklar so‘nggi o‘zaro uchrashuvni shu yilning 26 may kuni Qarshida o‘tkazgan. Bu uchrashuv 0:1 hisobida yakunlangan.

Toshkendagi o‘zaro bahslarga oid
Ushbu jamoalar shu paytgacha Toshkentda 14 bor kuch sinashishgan. 4 uchrashuvda "Nasaf" g‘alaba qozongan. 4 uchrashuvda durang qayd etilgan va 6 uchrashuvda “temiryo‘lchilar” g‘alaba qozonishgan. Darvozalarga jami 27 ta to‘p kiritilgan. To‘plar nisbati 15:12.

E’tiboringizga, Toshkenda bo‘lib o‘tgan so‘nggi besh uchrashuvning natijalarini havola qilamiz.

18.07.2018  Lokomotiv  – Nasaf  3:1
15.04.2017  Lokomotiv  – Nasaf  2:1
29.10.2016  Lokomotiv  – Nasaf  3:2
19.09.2015  Lokomotiv  – Nasaf  1:0
24.03.2014  Lokomotiv  – Nasaf  1:1