Checheniston Respublikasining Grozniy shahrida yakuniga yetib borayotgan boks bo‘yicha Axmat-Xoji Qodirov xalqaro xotira turnirida oltin medal uchun jang qiladigan vakillarimiz nomi ma’lum bo‘ldi. O‘tkazilgan yarim final bahslari yakuniga ko‘ra Shunqor Abdurasulov, Elnur Abduraimov hamda Bahodir Jalolov musobaqaning oltin medali uchun ringga ko‘tariladigan bo‘ldi. Yarim final natijalari esa quyidagicha ko‘rinish oldi:
-52 kg: Foziljon Abdumurodov – Islam Abumuslimov (Rosssiya) 0:5
-60 kg: Shunqor Abdurasulov – Jorjik Marutyan (Armaniston) 5:0
-64 kg: Elnur Abduraimov – Dilshat Nurim (Qozog‘iston) 3:2
-75 kg: Bahrom Fozilov – Magomed Alimsultanov (Rossiya) 0:5
-81 kg: Kozimbek Mardonov – Shamil Xatayev (Rossiya) 1:4
-91 kg: Madiyar Saidrahimov – Konstantin Pinchug (Isroil) -:+
+91 kg: Obidjon Tohirov – Bahodir Jalolov -:+
