“Barselona” yarim himoyachisi Ivan Rakitichni “Yuventus” futbolchisi Emre Janga alishmoqchi emas.
Kataloniyaliklar xorvatiyalik futbolchini PSJ hujumchisi Neymarning transferiga qo‘shib bermoqchi.
Bundan tashqari,”Barselona” Rakitichni 2020 yilda to‘liq sotib olish sharti bilan ijaraga berishi ham mumkin. Bu variant esa “Yuventus”ni qoniqtiradi. Turinliklar hozirgi vaqtda xorvatiyalik futbolchining transferi uchun yetarli mablag‘ga ega emas. Bu haqida Sport.es nashri xabar berdi.
Ma’lumotlarga ko‘ra, futbolchining o‘zi “Barselona”da qolib shartnomasini uzaytirmoqchi, ammo bu hodisa haqiqatga yaqin emas. Futbolchi “Atletik”ga qarshi bahsda zaxiradan maydonga tushdi, “Betis”ga qarshi o‘yinda esa zaxirada qoldirildi. Rakitichning kataloniyaliklar bilan amaldagi shartnomasi 2021 yilgacha mo‘ljallangan.
