“Барселона” ярим ҳимоячиси Иван Ракитични “Ювентус” футболчиси Эмре Жанга алишмоқчи эмас.
Каталонияликлар хорватиялик футболчини ПСЖ ҳужумчиси Неймарнинг трансферига қўшиб бермоқчи.
Бундан ташқари,”Барселона” Ракитични 2020 йилда тўлиқ сотиб олиш шарти билан ижарага бериши ҳам мумкин. Бу вариант эса “Ювентус”ни қониқтиради. Туринликлар ҳозирги вақтда хорватиялик футболчининг трансфери учун етарли маблағга эга эмас. Бу ҳақида Sport.es нашри хабар берди.
Маълумотларга кўра, футболчининг ўзи “Барселона”да қолиб шартномасини узайтирмоқчи, аммо бу ҳодиса ҳақиқатга яқин эмас. Футболчи “Атлетик”га қарши баҳсда захирадан майдонга тушди, “Бетис”га қарши ўйинда эса захирада қолдирилди. Ракитичнинг каталонияликлар билан амалдаги шартномаси 2021 йилгача мўлжалланган.
