O‘zbekiston Respublikasi Prezidenti Shavkat Mirziyoyev “O‘zbekiston Respublikasi davlat mustaqilligining yigirma sakkiz yilligi munosabati bilan fan, ta’lim, sog‘liqni saqlash, adabiyot, madaniyat va san’at sohalari xodimlaridan bir guruhini mukofotlash to‘g‘risida”gi farmonni imzoladi. Unda yurtimiz sporti rivoji yo‘lida o‘z xissalarini qo‘shib kelayotgan bir qator sportchi va murabbiylar ham quyidagi davlat mukofotlariga sazovor bo‘lishdi:

“O‘zbekiston Respublikasida xizmat ko‘rsatgan sportchi”
Radzivil Svetlana Mixaylovna – Yengil atletika bo‘yicha O‘zbekiston milliy terma jamoasi a’zosi

“O‘zbekiston Respublikasida xizmat ko‘rsatgan sport ustozi”
Ziyoyev Ural Abulqosimovich – Oqdaryo tumani bolalar va o‘smirlar sport maktabi yunon-rum kurashi bo‘yicha katta murabbiyi, Samarqand viloyati

Mirzayev Abdirashid – Chiroqchi tumanidagi “Abdirashid polvon Mirzayev” kurash klubi treneri, Qashqadaryo viloyati

“Do‘stlik” ordeni bilan
Vasilyeva Irina Anatolyevna – Sport yakkakurashlari bo‘yicha Respublika oliy sport mahorati maktabi qilichbozlik bo‘limi murabbiyi

Kabinov Istam Ashurovich – Kogon shahridagi bolalar va o‘smirlar sport maktabi boks sport turi treneri, Buxoro viloyati

Xudoyarov Solijon Azimovich – Farg‘ona viloyati sport yakkakurashiga ixtisoslashtirilgan bolalar va o‘smirlar sport maktabi taekvondo bo‘limi o‘qituvchisi

Shubin Vyacheslav Yegorovich – suv sporti turlari bo‘yicha respublika oliy sport mahorati maktabining baydarka va kanoeda eshkak eshish bo‘limi treneri, Toshkent shahri

“Shuhrat” medali bilan
Bazarbayev Polat Joldasbayevich – Nukus shahridagi 2-bolalar va o‘smirlar sport maktabining karate sport turi bo‘yicha o‘qituvchisi, Qoraqalpog‘iston Respublikasi.

O‘zbekiston Milliy olimpiya qo‘mitasi Davlat mukofoti bilan taqdirlangan sportimiz jonkuyarlarini muborakbod etadi va kelgusidagi faoliyatida ham omad va zafarlar tilab qoladi.