«Napoli» bosh murabbiyi Karlo Anchelotti A seriyaning 2-turi doirasida bo‘lib o‘tgan «Yuventus»ga qarshi o‘yin (3:4) borasida o‘z fikrlarini bildirib o‘tdi.

«Sinovdan o‘ta olmadik. Boisi, dastlabki yarim soat davomida yomon o‘ynadik. O‘yin taqdiri hal bo‘lgandek edi, ammo biz o‘yinga qaytdik. Hisob 3:3 bo‘lishi yoki biz 4:3 hisobida yutishimiz ham mumkin edi, ammo bugun yomon o‘ynaganimizni inkor qilmaydi.

«Yuve» 3:0 hisobida oldinga o‘tib olganidan keyin asosiy e’tiborni qarshi hujumga qaratdi va to‘p nazorati biz tomonga o‘tdi. Losano maydonga tushganidan keyin hujumda kenglikka ega bo‘ldik. Ammo hal qiluvchi faqat bundan iborat emas. Biz raqibga pressing qilish imkonini berdik. Birinchi bo‘lim davomida Fabian Ruisga to‘pni yetkaza olmadik. Qarshi hujumda bo‘sh hududlarga ega bo‘ldik, ammo bu imkoniyatlardan foydalana olmadik.

Gonsalo Iguain va Krishtianu Ronaldu gol urgan paytda himoyachilarimiz joyida edi. Shu bois, bu gollar qarshi hujumlar samarasi bo‘lmadi.

Tanaffusdan keyin maydonga Ruisni tushirdik. U esa raqibga muammolar tug‘dirdi», – dedi Anchelotti.