2 sentyabr kuni soat 21:00da Germaniyada transfer oynasi yopildi.

Yaqin orada klublar so‘nggi pallada amalga oshirilgan transferlarni e’lon qilishadi.

Dastlabki yakunlarga ko‘ra, Bundesligada eng ko‘p pul sarflagan jamoa «Bavariya» bo‘ldi – 143,5 million yevro. Myunxenliklar «Barselona» yarimhimoyachisi Filippe Koutinyoni ijaraga olishdi, «Atletiko» himoyachisi Lyuka Ernandes uchun 80 million yevro to‘lashdi.

«Borussiya Dortmund» transferlarga 127,5 million yevro sarfladi. «Qovog‘arilar» Mats Hummels, Torgan Azar, Yulian Brandt va boshqa futbolchilarni qo‘lga kiritishdi.

Transferlardan eng ko‘p pul ishlab olgan jamoa «Ayntraxt» bo‘ldi - 101,8 million yevro. Frankfurtliklar Luka Yovichni «Real»ga 60 million yevroga, Sebastyan Allerni «Vest Hem»ga 40 million yevroga sotishdi.